يواصل الشاعر رامي هشام نشر سلسلة “شعْر كروي” عبر المايسترو الرياضي.
في بحر القروش
و زمن القروش
ما بين يوم و ليلة
جابولنا كيروش
خواجة خواجة
ولا أي حاجة
يحقق منانا
ودي أهم حاجة
هنديلو فرصة
و اهي الحركة بركة
بدون أي جُرسة
ما بين الأفارقة
بوادره عجيبة
توغوش و تقلق
و خوف من مصيبة
اوي بشكل مقلق
يا رب انت عالم
بحال شعبنا
شواهد .. معالم
و بتقول لنا
بإن الحكاية
دي نسخة قديمة
لمقلب جديد
و قلة لقيمة
و حاطين إيدينا
على قلبنا
و ندعي بجد
يخيب ظننا
شعْر كروي
الشاعر رامي هشام
